مما لاشك فيه أننا نعيش فتره ليست بالسهله علينا بعد أن كننا تعودنا طيله حياتنا على قضاء كافة احتياجاتنا اليومية بأنفسنا عن طريق التوجه لجهة اصدار الخدمة المراد تحقيقها و تقديم الاوراق والانتظار في صفوف لعده ساعات ولكن ما حل علينا فى الفتره الأخيره من جائحه فيرس كورونا المستجد قد قام بتغير مفاهيم كثير وأساليب كثيره خاطئه كنا نتبعها فى الماضى القريب .
و الأن بداء التحول الرقمى يغلب على اغلب تعاملتنا بمعنى أننا لكى نحافظ على أنفسنا من العدوى لابد علينا عدم الاختلاط بالتجمعات وتطبيق التباعد الاجتماعى ولكى نكمل حياتنا بالشكل الطبيعى
وجدنا أنفسنا نتجه إلى شراء احتياجاتنا اليومية من خلال صفحات التسوق الالكتروني فكل شىء اليوم موجود داخل صفحات الفيس بوك والمواقع الالكترونية وايضا الخدمات الحكوميه بكل جهة او مؤسسه حكومية ومنها يمكن القول أننا نلبى كافة احتياجتنا دون النزول من المنزل إلا في أضيق الحدود وللضرورة
وهناك تساؤلات للمواطنين مثل ” الخدمات دى زى ازاى تجدد رخصتك و تجدد البطاقه و تجدد الباسبور مثلا وطب المخالفات المرورية ندفعها أزاي ؟ ”
وللرد على التساؤلات ” هقولكم أننا سمعنا فى اخر السنه اللى فاتت 2019 عن إصدار الحكومة لكارت بنكى اسمه ميزه وده علشان حاجات كتير وكان أولها التصدي الرشوه والفاسد داخل المؤسسات الحكومية والخاصة و الكارت ده بيستخرج بشكل سهل جدا من اى فرع البنك الاهلى المصرى و بيشتغل بطريقتين اما انك تعمل عمليه إيداع بمبلغ معين من خلال أى ماكينه صراف آلي
او انك تربط حساب مرتبك أو حسابك الشخصى بالكارت و عن طريق ” تطبيق ” معين اسمه فون كاش تقدر تحول المبلغ اللى انت عايزه على كارت ميزه و بالكارت ده تقدر تشترى اى منتج أو خضروات أو بقاله من المحال اللى بتتعامل بماكينات التحصيل الالى
وكمان من نفس ” التطبيق ” تقدر تدفع أى مبالغ انت محتاجها فى اى مكان زى فاتوره المياه أو الغاز أو الكهرباء أو المخلفات للسيارات ومصاريف التجديد وفواتير الموبايل بكل انواعها والخط الارضى وكمان لو عايز تتبرع لجهه تبرعات هتلقيها على نفس ” التطبيق ” وهتدفع مصاريف الجامعات كمان وبكده انت حافظت على نفسك وعلى غيرك وخلصت كل مشاوريك ومصالحك وانت قاعد فى البيت .
وهسمع سؤال تانى بيقول وبعد ما ندفع كده هنستلم ازاى و ايه المستند اللى هنخده يثبت انى فعلا دفعت ؟
اقولك انك لما بتعمل عمليه ذى تجديد الرخصه مثلا هتقوم اداره المرور بأرسال الرخصه على العنوان اللى انت سجلته على الموقع وزيها كل الجهات الحكومية والاثبات انك دفعت فى فى الابليكشن شاشه تسجيل كل الحركات اللى انت قمت بأجرائها بالتاريخ والساعه والمكان اللى ادفع فيه المبلغ .
وفى النهايه احنا داخلين على مرحله جديده فى حياتنا و لازم نعرف ازاى نتعامل معها علشان منخسرش نفسنا ولا نخسر حد عزيز علينا .
– يمكن زيارة موقع خدمات الحكوميه المصريه ” اضغط هنا “
– التحول الرقمي فى زمن الـ كورونا