الخوف من المواجهة . أجمل حاجة إنك تعرف تشوف الغروب والشروق من نفس المكان موقف واحد يقدر يخليك تشوف الضلمة والنور حسب إختيارك .. ممكن تتحط في لحظة مواجهة مع صدمة تحتاج إنك تواجها ومتتكسرش علشان متبقاش جزء من المشكلة ممكن تتحمل مسئولية تحطك في لحظة مواجهة مع مهمة لازم تُنجز لأنها جزء من حياتك أو من وظيفتك .
ناس كتير بأشكال مختلفة وشخصيات مختلفة بتقابل كل يوم لحظات مواجهة في منهم إللي بيقدر يواجه الحياة وفي منهم إللي بينسحب من مواجهة الحياة . خبرة الإنسان لا تتكون من مجرد الأحداث إنما بمواجهته لهذه الأحداث لا يصبح الإنسان عظيم ويحقق الإنجازات إلا بالمواجهة الحقيقية والتفاعل لا من الخوف لمواجهة الأقدار .
الشخصية القوية البناءة هي الشخصية القادرة علي مواجهة أي ضغوط في الحياة سواء علي المستوي الشخصي أو المهني أو الإجتماعي كمان مواجهته للحياة بتمنحه ثقة كبيرة في نفسه وبيصبح دائما مستعد لأي مواجهه هتقابله .
علي عكس الشخصية الضعيفة هي الشخصية المتخاوفة دائما من مواجهة الحياة وبتعتقد دائما أنها ستفشل في أي شئ تقوم به وتصبح ثقتها في نفسها قليلة . الخوف هو مجرد فكرة بيصنعها الإنسان داخله لو فضل يفكر فيها هتصبح سلوك عنده . فالخوف لا يمنعك من الموت بل يمنعك من الحياة .
– الخوف من المواجهة لـ شيماء فايق