بقلم : هشام زكريا
ـ اتصالات كثيرة على مدي يومين ، من شخصيات لا أعرفها ، وزملاء وآخرين ، ننزل انتخابات الشيوخ ولا لأ ؟!
ـ دائما أبدء بالسؤال .. عايز تنزل ليه ؟ وما هي اهدافك من الدخول في مجلس الشيوخ ؟ وهل تعلم دورك داخل المجلس ؟
ـ الحقيقة الإجابات لا تخرج عن التالي رغم مخاطر الانتخابات والتكلفة والارزقيه وموسم أكل العيش :
1ـ عندي أفكار كتيرة ممكن أفيد بها واستطيع تنفيذها ..
قلت : الدنيا متاحه أمامك عبر المجتمع المدني والأحزاب والمبادرات الفردية والجماعية لتحقق ما تريد .
2ـ الحمد لله عندي شعبية كويسه وأقدر أنافس ..
قلت : هل ستكون شعبيتك على مستوى المحافظة كلها ، أم في مكانك فقط ؟ هل الغرض من النزول هو المنافسة فقط حتى لو خسرت ؟
3ـ طلعت على المعاش وفرصة أعمل حاجه مفيدة ، والحمد لله ربنا مسهلها على ومعنديش مشكلة في التكلفة ..
قلت : ممكن جدا بعد المعاش تعمل حاجات كتير مفيدة جدا لنفسك ولمكانك ولمحيطك ولناس كتير ، أنك تتبني مع الدولة مشروع خدمي ،مشروع خيري وغيره كثير.
4ـ ” البرستيج ” ..المقعد والحصانه لهما بريق مهم عند الناس والأجهزة التنفيذيه وكده …
قلت : ممكن جدا تصنع برستيج ممتاز بشخصيتك ، عند الجميع .
5ـ الناس اللي معايا شايفين أني اقدر اكون نائبا جيدا ، والكل واقف معايا ..
قلت : وهل ده شرط أنك تدفع فلوس وتتحرك وتتسحل ،لمجرد أن ده رؤيه الناس ، المهم انت شايف نفسك ايه !!
واخيرا :
ـ لكل من يريد أن يترشح ، وده حق لك وكفله لك الدستور ، فقط ضع نفس السؤال انت عايز تنزل ليه ، لو حصلت على إجابه ترضيك ، توكل على الله .
صباحكم وعي #وأول_فنجان_قهوة
