التغطية الاعلاميه : نورهان جمال – قالت ” الدكتورة عايده الكيلانى – مدرس لغة فرنسية بكلية السياحة والفنادق ” عبر صفحتها الرسميه على موقع التواصل الاجتماعى الفيس بوك – طب يا جماعة علشان القلش زاد أوي علي موضوع اطلاق خط انتاج للكحك بجامعة قناة السويس وانا بصراحه مش عارفة مين الصحفي اللي كتب الخبر بالعنوان
ده احب اوضح بصفتي بشتغل في كلية السياحة والفنادق اللي بتنتج الكحك والبسكوت وطبيعي اننا كليه بتخرج شيفات يكون عندنا مطبخ تعليمي ولادنا بيتعملوا ويدربوا فيه
وعلي فكرة احنا طول السنة بنفطر باتيه وكرواسون وانجليش كيك واحلي حلويات شرقية كمان من مطبخ كليتنا ومن ايد ولادنا ودي حاجة مشرفة جدا اننا نبقي مكان منتج
واحب اقولكم اني بشتغل في المكان ده من سنة 2003 ومن ساعة ما اشتغلت واحنا كل عيد بناكل احلي كحك وبسكوت وبتي فور من انتاج كليتنا كفااااااية قلش بقي وروحوا اشتروا ودوقوا وادعولي