” بالعامية ” .. بقالنا فترة كبيرة مش بنشوف اعمال فنية تأثر فينا بالشكل اللي اتعمل بيه فيلم ( الممر ) ومسلسل ( الإختيار ) ، وكانت آخر الأعمال الفنية اللي بتعتبر زي ما بيقولوا في السياسة ( القوي الناعمة ) هو فيلم الطريق الي ايلات .
الدوله نجحت في استخدام وتوظيف الفن ، علشان تعرّف المواطن الحقيقة وتزود وعيه وتكشف حقايق جزء كبير من الناس مش كان فاهمها أو أهل الشر بيفهموها ليه غلط من خلال قنواتهم .
وطبعا النجاح واضح من الأعداد الكبيرة اللي بتتابع المسلسل وردود أفعالهم ، هاديلكم مثال ( في واحد من الجماعة المحظورة بيعمل فيديوهات بتشتم وتشكك في الدولة والرئيس والجيش ، لما الشخص ده عمل فيديو علي اليوتيوب يبرر فيه اللي عمله الارهابي هشام عشماوي كانت معظم التعليقات علي الفيديو بتشتم في صاحب الفيديو ) الجميل في الموضوع أن معظم اللي شتموه ناس ضد الريس و النظام وبتوع يسقط حكم العسكر .
شوفتم بقي القوي الناعمة لما بتتوظف صح بتعمل ايه ؟
ده بقي اسمة ( التغيير عن بعد ) ياعني أنا بغير فكرك ووعيك ووجهة نظرك في حاجة معينة بمسلسل أو فيلم او برنامج بتشوفهم علي شاشة التلفزيون او الكمبيوتر او التليفون .
طبعا أهل الشر بيشتغلوا علينا بنفس الطريقة من زمان ، بس إحنا اقوي منهم بسنين ضوئية لي بقي ؟! اقولك ليه ياسيدي
لإن إحنا عندنا حاجة كبيرة قوي اسمها خير اجناد الارض وواثقين جداً في اللي بيعملوه ومتأكدين أنه عمرهم ما هايسيبوا حد يأذي بلدنا وده ليه ؟
علشان إحنا الجيش والجيش إحنا …
– ” بالعامية ” – علشان إحنا الجيش والجيش إحنا – ابراهيم الجزار