بقلم : هشام زكريا
ـ لما بتكون عايز تحرق سعرات ، لازم تمشي كتير.
ـ لما بتكون عايز تحرق وجوه ، لازم ترميها في كل المناسبات .
ـ لما بتكون عايز تتأكد أن مفيش حاجه اتغيرت ، شوف الناس اللي من عشرين سنة كانت متهمة بالفساد والفساد السياسي ، فين الآن ؟ وبتعمل آيه ؟
ـ لما بتكون عايز تنجح ، لازم تكون مغامر ومخاطر وتتحمل كل متاعب المخاطرة والمغامرة حتى لو وقع منك ناس في الطريق .
ـ لما بتكون عايز تنجح في اي مجال ، لازم تشتغل بالفورمه القديمه رشاوي وتزوير وتطلع تقول الناس ، أنتم في قلبي !!
ـ لما بتكون شايف الصورة كويس ومكبرها عشان توضح التفاصيل ، بتزعل قوي على ناس ، طلعت صغيرة في الكادر ، ومكشوفه ، ولسه بتتحدث عن الشرف ـ رغم أنا المثل الروسي القديم بيقول : احذر من تتحدث كثيرا عن الشرف !!
ـ عشان كده .. وأنت ماشي في طريق النحل ، ارفع شعار يا نحله لا تقرصييني ولا عايز عسلك !!